Ka Seiñ Khynroo Ladrymbai deiwa sñiawkhia hajrong i chah ktah ki paidbah neidaw wa hap ki wow yada nei poor ka khlam COVID-19, kamjooh ha kawi ka liang wa em ki bru wa chim kabu kiwa dai syad dor yaki marbaam mardih iwa ka seiñ da yoh yutip ko na kiwa boon ki paidbah.
Ka seiñ da ong ko wa hawa yaklam wa ki paidbah kiwa lai yaw ha Ladrymbai kiwa la thied marbaam, da khana ki cha ka Seiñ Khynroo wa chem chitom ki neidaw ha yaw Ladrymbai boon ki dukan wa chim kabu ya kiwa wan thied. U General Secratary ka Sein Khynroo Ladrymbai u Arki Lamare, ong u kam ha kani ka por toh i por waroh hap u sñiawthooh ki ya i long i man yong ka pyrthai kawa chah ktah na i poor u khniang COVID-19 iwa ym mut wa kiwa dai marbaam mardih næ kiwa dai tiar dai tar u chim kabu ki ya i dor i mur iwa ktah ya kiwa dooh wa duk.
Neitæ i daw, ka seiñ da maham joor ko ya waroh kiwa dai marbaam wa ym hoi u chim tam ki na i dor wa da booh da ka sorkar wei lada chem daw pyntip ko cha ki bor wa toh u pait hapoh ka District.
Ha iwi won i liang, ka seiñ khynroo e khublei ko nadooh ka sorkar jylla, ki bor District, ka chnat i chait i khiah wa waroh ki chnat krehkaam sorkar ha ka jylla kiwa da kreh chitom ha kini ki por.
Discussion about this post