U Additional Director & Spokesperson, Health Department ka Manipur u Dr. Khoirom Sasheekumar Manang da pyntip u ynne i miet wa da em sa kawi ka kynthai (22 snem) da yoh ko ya u COVID-19 hadien wa Test yaka ha VRDL, JNIMS.
Da pyntip u wa kani ka bru toh kawa liwan na Chennai daka rel wa da pynbiang daka sorkar Manipur.
Da booh yaka nynkong hapoh ka Community Quarantine Centre ka St. Stephen School, Saikot.
Da sdang ko wow iñ doh haka 14 tarik uni u bnai wei da rah ka wut wut cha District Hospital Churachanpur wei da booh yaka hapoh ka COVID-19 Isolation Facility.
Da phah Test yaka pyn ha kani ka sngi hi ka tangwa yaka Result da yoh ynne i janmiet.
Ynne i step da pynbna leh wa da em leh sa kawi wa yoh COVID-19 ha Manipur kawa kreh kam ka Nurse ha Kolkata kawa da liwan cha Manipur. Wei ya kani da booh ha JNIMS.
Wa kani kiwa yoh COVID-19 hapoh ka jylla da em ki 7 ngut heiwa ki arngut wa yoh nyngkong da chait ki wei katni da em 5 ngut kiwa dang em ya uni u khñiang namo ki Active Case.
Kam wow pynkynmoo wa hadien wa chi bnai tam wa da lait ka Manipur na u COVID-19, haka 14 tarik da em uwi wa yoh COVID-19 wa liwan na Mumbai.
Discussion about this post