U Dr. Khoirom Sasheekumar Mangang, Additional Director & Spokesperson Health Department, Manipur da pyntip u ynne i step wa da em sa 3 ngut kiwa da pyntikna wa da yoh ki ya u COVID-19 ha Manipur.
Na kini, 2 ngut (uwi u chynrang wa kawi ka kynthai) toh kiwa da pyntikna ynnin i miet daka VRDL, RIMS. U chynrang toh uwa 32 snem uwa na Jiribam District katwa ka kynthai kawa 25 snem toh kawa na Thoubal District.
Sa uwi uwa 18 snem da pyntikna ynnin i miet daka VRDL, JNIMS. Uni toh uwa na Churachandpur District wei uwa liwan na Chennai.
Ynnin ka sngi da pynbna leh ya uwi uwa 26 snem uwa na Imphal West District uwa liwan na Chennai uwa yoh COVID-19 wei da sumaar ya oo ha RIMS.
Kiwa yoh COVID-19 ha Manipur da sdang ku biang ki nadooh wa da pdiang ya kiwa liwan na kiwi ki jylla.
Wa kini, waroh kiwa da chah ktah da em ki 32 ngut heiwa na kini 28 ngut toh kiwa dang em ya uni u khñiang katwa 4 ngut da chait ki.
Discussion about this post