Ka India Meteorological Department (IMD) da pyntip ko wa daw joor u slap hapoh ka jylla Meghalaya ha kiwa boon ki thaw hadooh ka 28 tarik uni u bnai.
Ha West Jaiñtia Hills District ha ki kattu katni ki thaw daw em u slap wa joor hadooh uwa joor bha nadooh ka 24 tarik hadooh ka 27 tarik.
Ha East Jaiñtia Hills District won ha ki kattu katni ki thaw daw em u slap wa joor hadooh uwa joor bha nadooh ka 24 tarik hadooh ka 28 tarik.
Ha East Khasi Hills District da pyntip leh wa u slap wa joor bha daw em u nadooh ka 24 tarik hadooh ka 28 tarik, kamtæ ki paidbah toh u man ki kiwa da pynkhreh.
Katwa ka South West Garo Hills won man ko kawa lait na uni u slap wa joor.
Discussion about this post