Ka HUCC da jop ko haka yalehke yong ka haka lympung yalehke Open To All T20 Cricket Tournament 2022 wa da pynlai da ka All Jaiñtia Cricket Association (AJCA) ha madan Jrisalein, Jowai ynne ka sngi.
Ka HUCC da yachem ko waka Rising Star heipor 9:00 waje i step heiwa ka HUCC da jop ko da 11 Run.
Ya ka kylla khlem da jop da ka HUCC wei da jied ko wow Bat nyngkong heiwa da ye ko u kamai 211 Run na ki 20 Over deiwa dooh ko 8 Wicket. U Ebormi Sutnga da yoh u 65 Run na 25 bol. Neiliang ka Rising Star u D. Nongpluh da yoh u 3 Wicket na ki 2 Over.
Hawa kdong won ya ka thong ka Rising Star da ye ko u kamai 201 run naka 20 Over deiwa dooh 6 Wicket, heiwa u D. Shullai da ye u wow tied 82 Run naka 46 bol, katwa neiliang ka HUCC u S. Paswet da yoh u 1 Wicket naki 4 Over.
Ya i naam Man of the Match da yoh da u Ebormi Sutnga yong ka HUCC.
