Ka HUCC da jop ko ynne ha ka yalehke ka lympung Open To All T20 Cricket Tournament 2022 wa da pynlai da ka All Jaiñtia Cricket Association ha Madan Jrisaleiñ, Jowai.
Ka HUCC da yachem ko waka Amity (L) Nissan Laloo United heipor 9 waje i step heiwa da jop ko da 4 Wicket.
Ya ka kylla khlem da jop da ka Amity wei da jied ko u Bat nyngkong heiwa da ye ko u kamai 159 Run. U Chamitreman Lamare da tied u 56 Run naki 43 bol; neiliang ka HUCC u C. Ryngkhlem da yoh u ar Wicket na ki 4 Over.
Hawa kdong ya ka thong, ka HUCC da ye ko u yoh 161 Run na ki 14.4 Over deiwa dooh 6 Wicket, heiwa u Yoomi Patwet da kamai u 73 Run na ki 32 bol; neiliang ka Amity u Chamitreman Lamare da yoh u 3 Wicket na ki 4 Over.
Ya i naam Man of the Match da yoh da u Yoomi Patwet yong ka HUCC uwa yoh 73 Run naki 32 bol wa kawi ka Wicket.
