Ka Moodymmai ynne da jop ko ha ka lympung yalehke Open To All T20 Cricket Tournament 2022 wa da pynlai da ka All Jaintia Cricket Association ha Madan Jrisaleiñ, Jowai.
Ka Moodymmai da yachem ko waka Umshangiar heipor 1:00 waje i sngi heiwa da jop ko da 7 Wicket.
Ya ka kylla khlem da jop da ka Umshangiar wei dajied ko u Bat nyngkong heiwa da ye ko u kamai 113 Run na ki 17.2 Over deiwa dooh ko waroh ki Wicket. U Kyntu Laloo da yoh u 45 Run na 21 bol katwa ya ka Moodymmai, u Bichar Lamare wa u Heimonlang Lyngdoh da yoh ki mar 4 Wicket.
Hawa kdong won ya ka thong, ka Moodymmai da yoh ko 115 Run na ki 12.5 Over deiwa dooh ko 3 Wicket, heiwa u Bichar Lamare da tied u 66 Run na 43 bol.
Ya i naam Man of the Match da yoh da u Bichar Lamare uwa da yoh 66 Run wa 4 Wicket na ki 4 Over.
