Ka Rising Star da jop ko ynne ha ka lympung yalehke Open To All T20 Cricket Tournament 2022 wa da pynlai da ka All Jaiñtia Cricket Association ha Madan Jrisaleiñ, Jowai.
Ka Rising Star da yachem ko waka Khimmusniang heipor 9:00 waje i step wei da jop ko da 7 Wicket.
Ya ka kylla khlem da jop da ka Rising Star wei da jied ko wow kawang bol nyngkong heiwa da ye ko u pynhaap 7 Wicket naki 20 Over. U D. Nongpluh wa u P. Pantangia da yoh ki mar 2 Wicket naki 4 Over. Neiliang ka Khimmusniang da ye ko u kamai 157 Run na ki 20 Over deiwa yoh u Nibiangmon Sutnga 47 Run na ki 39 bol.
Hawa kdong ya ka thong, ka Rising Star da ye ko u kamai 161 Run na ki 19.4 Over deiwa dooh 3 Wicket, heiwa u Kitboklang Rangad yoh u 51 Run na ki 35 bol katwa neiliang ka Khimmusniang u Jeffrey Litting da yoh u 2 Wicket na ki 3 Over.
Ya i naam Man of the Match da yoh da u Kitboklang Rangad yong ka Rising Star uwa da yoh u 51 Run naki 35 bol wa chi Wicket.
