Da u: Refil Sari, Mukhla Nongrim
Yurim nachwa ya i waroh da dep sikai,
Yow man i waroh kiwa ‘Tip Bru Tip Blai’.
Wa da yoh pateiñ nadooh u Ma u Woh,
Ha i kiwa katni akor wa bha toh u ri u ksoh.
Akor i burom toh u ri u syndong,
Ka ri wa ka jaitbru yong-i yow yoh ko i sñiaw sarong.
Ya pynyoo cha ka pyrthai dei mynsien maya,
Ha kani ka ri u Kñi u Kpa (Ñiaw Wasa).
Ha yung ha lait, cha khim cha laad; kynmoo!
Chirup wa i akor toh u ya pynyoo.
Ya sneiñ ya kyntu kam chi payu,
Ka ri wa ka jaitbru yong-i u nang roi nang ku.
Akor wa tam heini ha pyrthai,
Kynmoo mo lok yeini waroh chynrang kynthai.
Wym-em spah næ hajar wa ye u thied yeini,
I akor wa bha chong i ha nga ha phi.
Lyngba ini, kwah O’u pynsñiaw ha phi,
I akor i burom emkaam bha i ki.
Kani toh ka waitlam hei jingim,
Yow lait i longbru manbru nei chah tim.
