Delhi: Ka Indian Army katni dang pynkhreh ko neibynta 10 snem wow pynthymme ya ka chnat Army Aviation Corps deiwa thied ya ki 350 tylli ki lieñ niangkachiah (Helicopter) wow kynthup ya ki Light Combat Helicopter wa chna da ka ri kamjooh wa ki Apache na ri America.
Ini i angnood ka Indian Army dang joor i nadooh wa pteiñ i emkaam yei wow paitsiar (Surveillance) deiwa pynemkaam ya kini ki lieñsuiñ kiwa da dawa bha da ka Aviation Corps’ kam chibynta yong i emkaam ya ki Remotely Piloted Aircraft System (RPAS).
Ka Indian Army da emkaam ko ya ki Utility Choppers wa le jait ki Combat Helicopters ki wow kynthup ya ki Rudra (wa man ki Advanced Light Helicopter ‘Dhruv’), ha ki wow pyndait ya ki 20 mm gun wa ki 70 mm cannon ya kiwa daw chimkti hapoh chisnem.
Ki Light Combat Helicopter (LCH) Squadrons daw chimkti ya ki hapoh 7-10 snem, ki 200 Kamov Ka-226, ki wow paitsiar ya ki soodong sookun wow e yei sonteri ya ka ri daw thied ya ki hapoh 10 snem lyngba ki soskular wa ki ri wphær waphær (Inter-Government Agreement).
Ha u 2021, ka Indian Army da kyrmen ko wow chimkti ya ki 6 tylli ki Apache Helicopter wa ka Squadron (15 tylli) yong ki ALH Dhruv, hajrong kiwa da em chwa.
Katkam wa man katni ka Aviation Corps pynrmkaam ko ya ki lieñsuiñ niangkachiah Chetak wa Cheetah, ka ALH Dhruv nadooh u 2001, wa ka Rudra nadooh u 2013.
Discussion about this post