Ki chipai duriaw ka ri namo ka Indian Navy angnood ko wow pynkrehkaam hadooh le tylli ki jhaad kit lieñsuiñ yapam namo ki Aircraft Carrier, wei yeini da ong da u khlieh kani ka chnat chipai, u Admiral Karambir Singh.
Katkam wa man katni ka Navy pynemkaam ko kawi ka Aircraft Carrier kawa da e pyrtuid Aircraft INS Vikramaditya.
Ya ka INS Vikramaditya da thied na Russia ha i dor wa $ 2.35 Billion wei da chimkti ya kani ka jhaad ha u snem 2013 wei da pynkrehkaam ya ka ha u Naiynru 2014. Kani ka jhaad ye ko wow kit hadooh 36 tylli ki lieñsuiñ.
U Admiral Singh, da ong u wa ka Aircraft Carrier wa nyngkong dooh wa chna hapoh ka ri Indigenous Aircraft Carrier (IAC) ya kawa da booh pyrtuid kam ka INS Vikrant u pynkrehkaam noh ha u 2022 wei kani ka jhaad daw kit ko ya ki lieñsuiñ yapam MiG-29K.
Ka INS Vikrant, katni dang chna ya ka ha Cochin Shipyard in Kochi, Kerala ha i dor iw $ 2.8 Billion.
Discussion about this post