Angnood ka JHADC wow pynneh pynsah ya ka chaad Rongkhli tangwa eh manda tyngkhooh ko wa ka aiñ

Ka Executive Committee yong ka Jaiñtia Hills Autonomous District Council (JHADC) ha ka kynta kylli yukylli yong ka dorbar mang tangka kawa da sdang ynne ka sngi, lyngba u EM ka chnat Arts and Culture, u Lasky Rymbai da pynsñiaw u wa ka District Council em ko i angnood wow tipmit noh da ka aiñ yong ka Council ya ki riti dustur wa em hapoh Ri-loom Jaiñtia la hawa yatoh wa i chaad næ iwon iwon iwa da hikai da ki longchwa manchwa, wei da ong u leh wa tip u wa ka chaad Rongkhli næ Rongkhla wa jooh leh ha chnong Nongtalang leh toh kawi na ka chaad wa emkaam wow tipmit.

Tangwa na i daw wa ki Dolloi kiwa da pynkup wow phah dei thoh cha ka Council hawa yatoh wa ini deilang ki riti dustur waphær waphær wa em hapoh ki Elaka yong ki, ym pu pyndep ki hadooh kattæ leh.

Ya ini i jubab da e lyngba iwa kylli da u Jamshaphrang Pohtam, MDC ka War Central.

Heijooh i por u Jamshaphrang da kylli u leh lada ka District Council em ko i thmu wow yarap kyrpang ya ka Raij Nongtalang kawa da maad yei eh wow pynman ya ka chaad Rongkhi katkam wa toh ka niam ka rukom neibhah wa tyngkhooh ko wa ki aiñ kam ka Wildlife (Protection) Act 1972.

Related posts

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Phah u Himanta wow tyngkheiñ yei kjat kiwa yaroh ya ka Pakistan

May 2, 2025

U EM In-charge da pdiang u wa em i eh wow pynneh pynsah ya kini ki chaad khamtam hawa em i tyngkhooh wa ka aiñ, kamtæ da e yumut wa rap bha ya ka Raij Nongtalang wow e ko dei thoh cha ka District Council khnang wa ka chnat yong oo u yoh ko wow pait bniah wei wow leh yeiwa emkaam.

Puræ leh: Da pynman biang ya ka Rongkhli hadien boon snem deiwa yoo chongkun