Ka District Child Protection Officer, District Child Protection Unit, Jowai da pyntip ko wa ar ngut ki khynnah na West Jaiñtia Hills District da yoh yarap ki hapoh ka PM CARES for Children Scheme wa da sdang da u Prime Minister ka ri, u Narendra Modi.
Kani ka Scheme sorkar toh yow e yarap wei wow kyrchaan ya kitu ki khynnah wa dooh ya ka bei wa u pa ha ka khlam COVID-19, dei thong wow e yarap nadooh hei chait i khiah, ka puræ puthi wa i yarap poisa hadooh wa poi ki 23 snem.
Kini ki khynnah deilang wa kiwa sumaar sukhær ya ki katni da ya emlang ki ha yung krehkaam u DC, Jowai deiwa emlang u Additional Deputy Commissioner, u PK Boro, ka District Child Protection Officer, DCPU, Jowai, ka R.D. Kynjing, ka District Informatics Officer, NIC, Jowai ka P. Passah da chimbynta ki deiwa pait ya kani ka yalang hapoh ka kamra ka NIC.
Neiliang u PK Boro, Additional Deputy Commissioner da ekti u ya ki kot ki sla cha kiwa yoh myntoi wa kynthup lang waka chithi na u Prime Minister, ka Sneh Petra (Certificate ka PM CARES), PM CARE for Children Passbook, Health Card ka AB- Pradhan Mantri- Jan Arogya Yojana (PM-JAY).
Kini kiwa yoh myntoi ye ki wow lai skur ha kiwon kiwon ki Central Government Residential School kam ki KGBV, ki Sainik School, Navodaya Vidyala wa kiwi kiwi wei daw yoh ki leh ya ka Scholarship kawa T. 20,000 chi snem nadooh Class 1-12.
Kiwa lai puræ wa rap chaneiñ daw yoh ki ya ka Swanath Scholarship kawa T. 50,000 chi snem.
Daw yoh ki leh ya ka Health Insurance kawa T. 5 lak hapoh ka PM-JAY.
