Ar ngut kiwa Bat ka Uttarakhand kiwa yoh 200 Run pyrchah ya ka Meghalaya ha ka Ranji Trophy

Shillong: Ya kiwa Bat ka Uttarakhand u Vineet Saxena wa u Rajat Bhatia ynne ka sngi da man ko kawa sahkynmoo ya ki deiwa Bat ki waroh chi sngi wa le ka Ranji Trophy pyrchah ya ka Meghalaya deiwa kamai lang ki ynne da 316 Run yow pynpoi ya ka Uttarakhand cha 491/4.

Ka Meghalaya da chem chitom ko wow pynhaap ya ki Wicket kini ki ar ngut kiwa da emlang nadooh ynnin ka sngi wa pynkut da 175/4 kawa da kamai chwa ki 83 neibynta ka Wicket wa 4, heiwa u Saxena da kami u 202 Run khlem haap ka Wicket u katwa u Bhatia won da kamai u 212 Run khlem haap ka Wicket u.

Related posts

Poi ka 1st Volleyball Open to All Tournament ka West Jaiñtia Volleyball Association cha wakut

February 3, 2026

Daw pynman ya ka Trial yong ka AIFF-FIFA Academy ha Shillong neibynta ki khynnah chynrang wa kynthai

February 2, 2026

Kamtæ ka Uttarakhand da pyntam ko da 180 Run ya ka Meghalaya kawa da kamai 311 Run ha ka First Innings.

I jop ya ka Meghalaya da yoo eh bha wei lada ye ko toh u pynkut ya ka yalehke da ka ya Drawn yow pynneh yeiwa ym pu em rem ko ha kani ka Tournament.