Ka sorkar jylla da wanrah ko yei pynbait thymme ya ka Meghalaya Board of School Education (Regulations for the Secondary School Leaving Certificate Examination), 2011; wei lyngba ini i pynbait thymme da rai wa daw pynman Exam Matric ar sien nadooh u snem 2025 wow wan.
Hawa klam hadien ka yalang ka Dhab ki Montri, u Montri ka chnat puræ puthi, u Rakkam A Sangma da ong u wa lyngba ini pynbait thymme nadooh u snem wow wan ya ka Matric namo ka Class-X daw pynman noh arsien, kawi toh kawa da jooh man ha u Wisu (Mar) wa kawi won neibynta kitu kiwa Fail wow yakhun biang da booh wow pynman ha u Naisan (May) u jooh u snem.
Da ong u wa neibynta wow rap smat hawa yatoh wa kitu kiwa da Pass yow yoh ya ki Admission ha ki skur wa College, ha ki snem kiwa bood iwa ye u sdang nadooh u 2025, ya ka Exam Matric daw pynman noh ha u Kmaichonglad (Dec) wei ya ka Exam neibynta kiwa Fail u pynman won ha u Wisu (Mar) yong u snem 2026.
Ha kawi ka liang, ha kani ka yalang ki Montri da mynjur ya kiwi ka mat wa kynthup hajrong ka Farmer Empowerment Commission deiwa pynyinsur yei i rta yong u Chairman na ka 65 cha ka 70 snem, neitæ ha ka ka Benami Act wa lada yoh ujor, kiwon kiwon ye ki wow lai bait cha ki Deputy Commissioner, wei kawi won ka mat toh hajrong ka Service Rule ya kiwa sikai.
Discussion about this post