Jowai: Kawi ka khynnah ka wa dang 16 snem wa sah kam ka wa kreh ha iwi i yung ha ka chnong Dawki da chah slaitbor ko ha u tre yung uwa tip pytuid kam u Lawrence Lamin ya uwa da khut sin leh kam u Akri.
Kani ka khynnah ka wa na Dawki hi da sdang ko u sah ha i yung u Akri nadooh u snem 2013 kam ka wa kreh deiwa kular ki wa u pyllai skur ya ka wei katni dang puræ Class VI ko.
Katkam ka ujor FIR da ong wa u Akri ha u Kmaichonglad (December) 2014 heipor chiteiñ synñiaw da pisah yabor u hei kamra thiah kani ka khynnah wei da slaitbor u ka.
Ini da pteiñ i na ipor cha i por hadooh u Naichiphaw (October) uni u snem 2016 heiwa ha ka 15 tarik leh da leh biang u Akri ya ini i kaam wei kani ka khynnah ym nood ko u khana cha kiwa ha yung neidaw wa maham tynyap u Akri ka.
Ynnin ka 17 tarik heipor chiteiñ synñiaw ka kurim u Akri deilang wa oo da dat da choh ki ka kani ka khynnah wei da ong wa da leh yeini hadien wa ka kurim u Akri leh da tip ko yeikaam wa leh u kurim ko, wei heipor 1 waje i step da beh ki ka kani ka khynnah na yung.
Neiliang kiwa ha yung kani ka khynnah da li booh FIR ki ynnin ka 17 tarik ha Dawki Police Station wei ynne ka sngi leh da booh sa kawi ha Jowai Police Station.
Ki pulit dang thooh ki ya u Akri wei hadooh ynne ym pu em u yoh kem ki ya oo. U Akri toh uwa kreh kam u Exporter ha Dawki.
Discussion about this post