Ar snem phah kset ka yung bichaar ya uwa pynmynsoo ya uwi u bru

Ka yung bichaar u Session Judge, u Noor Ain Khan (MHJS) ka West Jaiñtia Hills District, ha ka 14 tarik uni u bnai da rai pynrem ko ya uwi u koidi uwa tip kam u Marson Lamin hapoh ka kyndon 324 ka IPC uwa da pynmynsoo ya u Comfortme Phawa deiwa pynemkaam da i tiar.

Ya u Marson da phah kset ya oo ar snem deiwa pynchitom joor bha deilang waka kuna kawa Rs. 5000 wei lada ym su u daw hap chong patok u sa chi bnai.

Neidaw wa u Marson toh uwa da em chwa ha patok la chi snem wa 22 sngi, kattu daw hap u wow chong patok sa 11 bnai wa 11 sngi.

Ini toh iwa da jia ha u Thohlakhmi (Feb) 2015 heiwa ka Melinda Phawa da e FIR ko ha Ummulong Beat House ha ka 27-02-15 wa u khon ko, u Marson ha ka miet ka 26-02-15 da chah dat u dei tiar ha rdang heiwa da takit yeini da u SI W. Suting wei da Charge Sheet ha ka 07-03-24.

Related posts

Yoh kem ki pulit ya uwa dai Drugs ha Soo Kilo

January 9, 2026

Yoh kem ka DRI 29 Kg i ksiar wa ka poisa wa Rs. 2.90 klur na Delhi wa Agartala | Emkti kiwa na Bangladesh wa na Dubai

January 7, 2026