Kiwa kitkaam wa ki dkhot ka Meghalaya People United Front (MPUF) East Jaiñtia, da e por ko hapoh ar sngi ya uwi u baar jylla uwa em ya i dukan dai juti ha Khliehriat West, neidaw wa leh heh u ya kiwa wan thied la ki chynrang næ khynthai, ki waheh wa ki khynnah, heiwa da klam u leh ya ki da ki ktien wa khor heipor wa wan ki cha dukan u.
Neitæ i daw neiliang ka seiñ lyngba u President, u Kyrshan Blah da kyntu joor u ya ki paidbah wow pyntip ki lada chem kam kini ki baar jylla neibhah katni da chem wa ki baar jylla da sdang pynyoo bor ki cheini.
Neiliang ka seiñ da maham joor ko leh ya ini u baar jylla wa lada ym mih u hapoh i por wa da booh ka seiñ daw leh noh ko yeiwa emkaam.
Chooh chooh u President da kyntu joor u ya ka JHADC wow sñiawbha kynreh noh ya ki Trading License neibhah boon ki baar jylla yoh laad ware ki wow leh katwa ngait hapoh ka District deiwa pynrap wa deiwa kyruiñ cha ka KHADC da yoo wa da kynreh kot ko dei langær hapoh i yahkhmat u CEM ka KHADC u Pyniaid S Syiem.
Discussion about this post