Ka seiñ East Jaiñtia Taxi Owner Driver Association ryngkat wa ka MPUF East Jaiñtia ynne ka sngi da dawa ki na u Commissioner ka chnat Transport wow thung noh ya u MVI (Motor Vehicle Inspector) hapoh ka yung krehkaam u DTO ka East Jaiñtia.
Ki ar seiñ da pynman ki ya ka yalang ha Madan Teilang Play Ground kawa haap hapoh ka Dkhiah West neibynta wow dawa wow thung noh ya u MVI.
U President ka EJTODA, u Tiplang Rymbai da ong u wa i wym em u MVI la 6 bnai kattu da ktah bha i ya ki paidbah wei lada ymye wow leh yeini neiliang ka seiñ daw pynman ko ya i yakhih wa joor.
U President ka MPUF East Jaiñtia u Kyrshan Blah da pyntip u wa ka seiñ e ko i kyrchaan wa pura ya i dawa ka Association wei ha ki sngi wa dadep e dorkhat ko ha u Commissioner ka chnat hajromg ini i kaam.
Ki ar seiñ da e por ki ar tayaw ya ka chnat wow thung noh ya uni u sahep.
