Jowai : Ki pulit ka tnat pyllai kari (Traffic) Jowai neipor chei por da jooh lai li pynche pynbna paidbah ki nadooh cha ki seiñ kamai kari waphær waphær, ki khynnah puræ kamjooh leh ya ki paidbah yei emkaam u yah kari deiwa emakor, u deiñ seat belt, u sap helmet wa yow bood ya ka aiñ heiwa yah kari.
Yoosar dang chimpor hi ya ki bru u bood yeini heiwa ha ka meit yong ka sngi bibar 31 Naiynñiaw wa da dep da em i artylli ki ya tyrrah kari ha ki ar thaw ha Jowai.
Heipor kamwa 8:30 i miet kawi ka kari wa dang wan na Syntu Ksiar wa em le ngut ki chynrang wa le ngut ki kynthai hapoh, da tyrrah ya uwi u post light wa em harood madan ka Dulong neiliang ka luti wa lai cha Poh-hali. Katkam i ong ki pulit kiwa em hapooh toh kiwa da dep dih kiad wei ya kani ka kari toh kawa na ka chnong Mookyndur.
Hadien chi kynta wa jia ini da em leh le ngut won kiwa chong ha ka wi ka thuk thuk da oor ki ha Khimusniang heiwa pyn le da mynsoo ki nei bynta i khlieh.
Katkam ka report wa yoh na Dr. Norman Tunnel Hospital wa na NEIGRIHMS wa sumar ya kiwa mynso waroh le toh kiwa da muaid we da takha pyn le nei bynta i khlieh. Kini ki le ngut toh kiwa dang hapoh 23 snem.
Neiliang ki Police da ong ki wa ym maap ya kiwa mynso leh neibha da tyngkheiñ ki ya ka aiñ, ki Police daw lai hi ki cha khmat katkam ki kyndon ka aiñ.
Read Also : Kynmoo warom ya ka Road Safety Week da ka Jowai Traffic Police
Read Also : Yow husiar heipor yah kari pynman ka Thomas Jones College ya ka Road Safety Awareness Programme
Discussion about this post