U montri rangbah ka jylla u Conrad Sangma da pyntip u wa kawa 11 kawa yoh ya u COVID-19 ha Shillong da dep phah Test yaka wei da yoh yaka Result kawa man Negative iwa mut ym em ko ya u khñiang COVID-19. Kani man ko ka sien nyngkong wa da Test biang yaka hadien wa yoh ko ya u COVID-19 wei daw phah Test biang sa chisien.
U Conrad da pyntip u wa ki arngut won kiwa chah sumaar ha Civil Hospital ynne da yoh yaka Test Result wa ar yong ki wei da chem wa ym em biang em ki ya u COVID-19 wei ya kini da pynbna noh kam kiwa da chait. Hadien leh wa da pyndep ki yaka chong kset samen samen (Self Isolation) wa 14 sngi katkam ki kyndon wa da booh chwa wow pynbna yaki kam kiwa da chait.
Kam wow pynkynmoo wa ynnin ki 8 ngut leh kiwa hayung wa uwa yoh nyngkong ya u COVID-19 ha Shillong, yaki leh da chem wa ym em de em ki ya u COVID-19 hadien wa da dep Test yaki la arsien.
Discussion about this post