Shillong : Arngut ki khynnah kynthai wa dang 15 snem ynnin ka 30 tarik heipor kamwa 11:35 i sngi heipor wa dang mih ki na i skur kiwa em ha Mawbah, Shillong hadien wa kut exam ki yow liwan ki cha yung da em wa kit yabor ki.
Heipor wa dang lai ki da wan kawi ka kari wa em rong soo ha tnom wa rong lieh ha ka body heiwa arngut ki bru da patah ki ya kini ki ar ngut chapoh kari.
Kani ka kari toh kawa lai cheiliang Barapathar Point kawa wan na Mawbah. Wei da kit ya kini ki arngut ki kynthai katu katni por hapoh kani ka kari hadooh wa poi ha Rilbong hajan St. Peters. Heini i por kani ka kari da sangeh ko heiwa kini ki bru wa em hapoh kari kiwa em soo ngut da maham ki ya kini ki arngut ki kynthai u thap ki da u klong ha ktien ki lada kiad ki.
Kamtæ le ngut da hiar ki napoh kari wei sdang ki u kleh kyad ha i khloo wa em hajan wa pynsangeh ya ka kari. Heini i por kini ki arngut ki kynthai da yoh laad ki u yut napoh kari wei da phet ki cha Rhino Point hadooh wa poi ha Barapathar Point wei da chem ki ya ka Beipun yong kawi na kani ka khynnah wei da lai pyntip ki cha ki pulit ka Jhalupara Police Outpost.
Ha ka 28 tarik uni u bnai wa dep kawi ka khynnah wa dang 13 da chah rah bor ko na kani ka jooh ka thaiñ hadien wa dep exam ko hei wa em ar ngut ki bru wa wan thooh ka deiwa kam wa khut ka bei ko ka.
Tangwa kini ki arngut ki bru yah ki ka cha Jhalupara Point wei da thap ya ka hapoh kawi ka kari wa yang heini. Hapoh kari da tymmoh ya i ktien ko da ka that wei da kit ya ka cha Upper Shillong.
Manda poi hajan iwi i khloo da pynhiar ya ka napoh kari tangwa ye ko u looid ya ka that wa tymmoh yei ktien wei da kiad ko heiwa em uwi u bru wa yah scooter da yoo u yeini. Ki 6 ngut wa rah bor da yut ki hadien wa yoo ki wa em bru wa wan rap ka.
Discussion about this post