At i khlieh u puræ kotkhubor,
Kat watoh kam heini i por.
Bood u paitbah file nomination u candidate ki,
Jar u kyrtong yalai synraan ki,
Mih neini Reporter yaki da Ïang,
Kylli ki iyi u leh ki chaphrang?
Wa at i khlieh toh waman kamni,
Wa sñiaw ma i kular yong ki.
Watiñ du i bneiñ donhi u kdur,
Kiwa yang slap kut hei mutdur.
Ki jooh bait ki kular daboon Term,
Tang manda dep wah frame ki ki ræm.
Nadooh ki candidate warim næ wa thymme,
Wymem kiwa brait da’u wabha u symbe.
Ki kular lakai kaam wa danda,
Kat wymem iwi wot i wabha.
Sahteiñ waroh ki Development,
Katwa samen dabiang u baam tymmen.
Dep dep hi eh kiru u prai,
Dep tæ ngooid yeiwa dadep khlai.
Katwa stat ki ru u pynbiej,
Kat wympu iñkhaw u thylliej.
Sei pap u kit chikhoh chikhoh,
Len kular yeiwa mut wada yoh.
Nu waman na ai kamwa kular ki
Jan dapliah da tyrchaaiñ hi ka constituency.
Wym mih de itæ i awri awra,
Jan u jooh bait u candidate chi r’ta.
Katwa pnah u thylliej kat ki pyrsia khyllood,
Han mar chawi i kaam ki, i cheitæ bait wabood.
Iwa khaddooh u ong o kamni,
To paitbah yn ya krehlang i.
Naki candidate ham ya chim poisa,
Wei ham ong ki hi wa tyrwa.
Heipor Election haap pynlut ki,
Duk ki u Compensate manda jop won ki.
Kani ka poisa toh ka daw bah,
Kawa man ka scheme hi u paitbah.
Manda dam phi u paan u diang naki,
Ya ka Development yow pait ke won i.
Kawa emdor ka vote ka yong phi,
Ham elaad wow thied kiwi.
Kut thyndai yung psiah yalap election,
Wymtip iwow man kammon?
Hei duhai daka niam u Canvas phi ka,
Imlang sahlang yow lait nei jæd nei pra.
Politics waka niam ham pyntasbah,
Jar laka niam ham pynkit krah.
Waroh iwa ong O heini,
Wymtoh iwa mut O u kdaw kti.
Wymtoh waroh man ki kamni,
Yeitæ bichaar hi da phi.
Khaddooh wymtoh iwa kut,
Nga leh wymtoh hi uwa biang lut.
Lada em i bakla O heitu heini,
Na mynsien paan maap O na phi.
Discussion about this post