At-lyngkhiang ka madan Kiang Nangbah Stadium pep ka yaleh 1st Division ynne ka sngi

Jowai : Ki yakhun 3rd Division wa ka 1st Division wa pynman da ka WJDSA ha madan Kiang Nangbah Stadium, Jowai jooh man ki kiwa lai bait man la ka sngi tangwa ynne da ye u pynleh du ya ka 3rd Division katwa ya ka 1st Division da rah cha kawi ka sngi neidaw wa at-lyngkhiang kani ka madan.

Ha ka 3rd Division da yaleh hapyrdi ka Mookyndur wa ka Dongmihsngi heiwa ka Mookyndur da jop ko da 2-1.

Ya ki kool ka Dongmihsngi da tjap da u Manshai Kalone ha ka minit wa 10 katwa ya ki kool ka Mookyndur da thap da u Owenroi Suting ha ka minit wa 48 wa na u Kyrshan Suting ha ka minit wa 62. Na ini i jop ka Mookyndur da psiah ko cha ka Quarter Final.

Katwa iwa phylla dooh toh wa ya ka yakhun 1st Division hapyrdi ka 7 Wasa wa ka Lumpyrtuh Mihmyntdu da pynpep neidaw wa ad la-ær ka madan wada joor ware u slap hachwa wow sdang kani ka yakhun ynne ka sngi. Ya kani ka yakhun da rah ya ka cha kawi ka sngi.

Ini i at la-ær kani ka madan ymtoh du kani ka sien kawa nyngkong, tangwa jooh jia ko dei langær, wei jia ko du hadien wa dep siang ya u atrificial turf ha kani ka madan.

Lada ha JN Stadium wa kiwi ki madan ha Polo wa kiwi ki thaw wa da dep siang ya uni u phlang ym jooh at la-ær ki manda slap, neiyi i daw ha Kiang Nangbah Stadium won man kamni?

Related posts

Khut ka MFA ya ki khynnah yow chah jied hapoh ka Academy wa dang sdang thymme ko

January 29, 2026

Khaddooh da yoh bor wow pynman ya ka Final ka Super Division ka WJDSA

January 29, 2026