Hei miet ka 4 tarik heipor kamwa 10:00 waje, ar tylli ki yung u Blesting Khongtyngkut kiwa em ha Upper Bakur, Dawki wa sah wai u Edmund Sumer wa u Bilash Roy da chah baam lut i hei diñ.
Yei diñ nyngkong da yoo chwa da kiwa jan yung u Edmund Sumer heiwa pyn artylli ki yung da baam lut i diñ wei da pdung leh ka kum gas ha ini i jia.
Da wan wow tympleh yei diñ da ka Fire & Emergency Service ka Dawki, Amlarem deiwa yarap lang ki chipai ka BSF wa ki paidbah yow lait i wow poor cha ki yung wa em chajan kamjooh ki dukan.
Heini i jia ym em dooh yei mynsien bru tangwa i dooh nong da poi ko chadooh T. 20,50,000. Yei daw wa sdang i diñ ym pu tip.
