Wot hapyrdi u slap waka la-ær hei step ka 15 tarik heipor kamwa 3:30 hadooh 4:00 waje, da iñ iwi i yung haka chnong Tuber Kmai Shnong kawa em hapoh East Jaiñtia Hills District, iwa man i yung ka Duhka Dkhar (Kyndiap), kawa man leh ka yung kawa chah ieh khonswet ka wym em bei em pa de.
Kani ka yung toh ka yung dieñ, kawa miat wa bha, tangwa hadien wada khlaad ka bei yong ki daman ka manyung kawa dooh waduk wei lyngba ini i jia da ktah chooh chooh ko ya kani ka manyung mansem.
Mar ya yoh yutip yeini i, u Waheh Chnong ka Tuber Kmai Shnong, u Jiedlang Sana da chimkhia u wow wan rap smat wei u pyntip cha ka kari tympleh diñ yong ka Ladrymbai tangwa neidaw wa joor ware ka la-ær ym ye de u leh iyi iyi wei da baamdooh i diñ yeini i yung hadooh wa lut.
Neiliang ki paidbah yong ka chnong leh da ya mih ki wow yarap ya kani ka manyung katwa ye tangwa i diñ da baam lut i ya ini i yung dieñ.
Neiliang u General Secretary ka chnong Tuber Kmai Shnong, u Micky Lyngdoh da pyntip u wa myntu i janmiet ka 15 tarik daw pynman ya ka yalang wa jhan heiyatoh wa ini wa jia wa sñiawsih yaki khon ka chnong.
Neiliang ka Dorbar Chnong Tuber Kmai Shnong da booh ko i kyrpaad yaki khon ka chnong wow sñiawbha phi u wan yarap u ya pynkhooid wei wow yarap chna kamwa jooh yarap phi na i por cha i por.
Ka kyrwoh na uwa e buit ka chnong, u Wanthmu Phawa.
