Baam lut i diñ ya i yung wa em ha Saitsama

by Wyrta Staff

Reading Time: 1 min read

Jowai: Ynne i step synyaw heipor kamwa 2:30, i diñ da baam lut i ya i yung iwa em ha chnong Saitsama, WJH.

Ini i yung toh i yong u Khup Siam Kelphung wei da sdang i diñ u kop na i yung chet-ja.

Da ong wa ini i diñ da sdang i heipor wa dang thiah ki wei manda sñiaw ki yei kyr-ooh i diñ da yut ki cha lait.

Chirup wa ki jan yung wa ki lok ki jor da yaleh ki u tympleh ya i diñ tangwa neidaw wa kyr-ooh ware i da baam lut ki ya i yung.

Da antaad wa i lut da kynjoh i hadooh kamwa T. 8 lak.