Jowai: Ynnin ka 13 tarik heipor kamwa 2:00 waje i sngi ha i chnong Niriang, West Jaiñtia Hills iwi i yung yong u Ilass Pariat wa ka Kloris Suting da baam lut i diñ ki hadooh kiwa ha yung da dooh lut waroh i jait nadooh u khoo, ki sula, i ksiar waka poisa wei da poi i lut hadooh kamwa T. 11 Lak.
Ha ini i yung da sah lang 10 ngut wei heipor wa jia da em kawi ka khon ki kawa dang 13 kawa pait yung katwa kiwa boon da lai bri ki.
Yei daw wa sdang i diñ ympu tip tangwa da ong wa da sdang i nadien yung na i thaw booh kba wei da poor i cha waroh wei katwa u wan ka kari tympleh diñ da man tpai lut i yung wei da ye u pyllait sa kamwa ar churia hi-eh u kba.
Kiwa sah ha ini da em ki sa du ka sula wa sap ki ha doh wei katni da haap sah ki cha ka yung ka beipun yong ki.
Discussion about this post