Haka 12 tarik uni u bnai, ka FKJGP da pdiang sñiawbha ko ya ki 35 ngut ki khynroo napoh Laskeiñ Block kiwa da pynyabi cha ka seiñ, wei ha kani ka sngi da pynthymme leh ya kiwa kitkaam yong kani ka Circle.
Ha chwa wow pynsmai ya kini ki dkhot, da pynman ya ka yalang ha u Loom Tiniang wa da pynlai da u Wympher Wann u Secretary ka FKJGP West Jaiñtia Hills. Da yoh yei klam pdiang burom na uwa yahkhmat yong ka FKJGP Jaiñtia Hills Zone u Dani Shadap, Vice President wei da yoh leh yei klam naka Ibawanpyntngen Law, President Women’s Wing, u Tuesday Lytep, President kamjooh na u D.S. War, Chief Organising Secretary ka FKJGP Jaiñtia Hills Zone uwa da pynsñiaw yei sñiawkmen wa khroo wa katwa dang mih ki sngi ki waheh wa ki khynroo em ki i chaniah yaka FKJGP.
Heijooh i por da yoh leh yei sneiñ i kroo na u Joe Marweiñ u President warim ka seiñ uwa da ong leh wa ka FKJGP em ko yaka yurim kawa skem wei da leh ko chiboon ki kaam wa bha neibynta ka jylla ka yong i neibynta i roi i paar.
Da synran lang ya kini ki heh yong ka seiñbei da kiwa kitkaam yong ka FKJGP East Khasi Hills.
Da pynbaam smai ya ki dkhot wa thymme da u Dondy C. Khongsit u General Secretary seiñbei na Shillong.
Kiwa kitkam yong ka FKJGP Laskieñ Circle man ki kamni:
- President: Melamlynti sumer
- Vice President: Pynshaitbor syngkon.
- General Secretary: Kyntumiki Manar.
- Asst. Secretary: Victorson Lamare.
- Organising Secretary: Peter Ram Sutnga.
- Information Secretary: Kermiki S.Passah.
- Education Secretary: Chiborlang Passah.
- Agriculture Secretary: Pyndapbor Sumer.
- Disciplinary Secretary: Miky John Sayoo.
- Sport Secretary: Wimisonroy Lyngdoh.
- Asst. Sport Secretary: Roiwanki Evan Rabon, deilang wa 24 ngut ki dkhot.
