Shillong: Ha ka Cabinet Meeting wa pynman ynne ka sngi, ki montri ka jylla da mynjur ki wow bah khlieh ya ka MeECL hadooh T. 800 Klur kam ka ram wow pynemkaam kani ka tnat bordiñ.
U Montri Rangbah ka jylla, u Dr. Mukul Sangma hawa yaklam wa kiwa thoh khubor da ong u wa i yohnong na ka MeECL yapher ko chiboon na kawa pynlut wei hawa pait yei rukom krehkaam yong ka, ka sorkar da chim ko ka rai wow kyrchaan ya ka wow chim ram ko T. 800 klur.
Katkam i ong u Dr. Mukul, ka MeECL ye ko u pynmih T. 200 Klur tam chisnem.
Da pyntip u leh wa ka sorkar da dep bah khlieh ko hadooh T. 1174 klur ha ki por wa da dep wei ka MeECL da ye ko u pynlait T. 595.64 klur iwa mut wa duna i yohnong kamtæ ka sorkar da pynhiar noh ko cha ka T.800 Klur kam ka ram.
Da ong u wa da leh ya ini kam chibynta wa ka sorkar pyrchang ko wow pynthymme ya kani ka tnat hei yatoh wa ki kaam poisa.
Discussion about this post