Jowai : Ka seiñ Jaiñtia Youth Federation (JYF) hadien wa ymem jubab u PIO ka JHADC yaka RTI wada booh ko haka 22 Thohlakhmi (February) 2016 heiyatoh wei kynnoh wa pynemkaam bakla yaka poisa ka Council.
Ka JYF, ha kani ka RTI da paan yutip ko na u PIO ka tnat khloo yong ka JHADC haka jubab da ong u wa iwa yo phylla toh wa hei jubab yong u PIO ka Forest ka JHADC da ong wa da kyntait u wow jubab katkam ka kyndon 7 (I) yong ka aiñ RTI kawa man leh kawa bakla.
Ha kani ka kynti ka seiñ da ujor noh ko cha u Chief Information Commissioner ka jylla haka 6 tarik uni bnai heiwa da ong ko wa kani ka jubab da man ko kawa bakla wei da kyntait u leh u jubab yaka RTI ka seiñ.
Haka dorkhat ka seiñ da kyntu ki wow chimkhia u State Information Commissioner heiyatoh weini i chah kyntait u jubab ka Council ya kani ka RTI.
Neiliang u Wyrta daw pyntip chooh u yaphi heiyatoh weini i ujor ka seiñ waroh.
Discussion about this post