Hawa kylli na u Waheh Chnong ka Tympang Iawmusiang Dorbar Chnong, u E. Shylla wa lada em namo ym em wa pyrchah yei wa noh jhep ki bru ha Iawmusiang, da jubab u deiwa ong wa nadooh ki tayaw wa da dep da e ki yei pynbna lyngba ki tanghæng deiwa ym em ong de du ya kiwa chong chnong wot ya kiwa chong yaw chong haat leh wa bar yow noh ki cha ki dooid, ki nala, cha kdong cha kiar lane ki thaw wow ktah ya ka wah Myntdu dang bha wow noh ha Iawmusiang.
Da ong uwa lada noh chithaw, daw suk u kit chisien kit cha i thaw wa toh u li noh.
Da ong won u wa da sñiawsih u yoo wa ini thmu yong ki yow dam u ktah ya ka wah Myntdu, u dam u ktah yei chait i khiah, ki dooid ki nala tangwa ka sorkar ym e map ko neibhah ka sñiaw bait ko ya ka tanghæng ka chnong kawa da dep pynbna.
Kamtæ da khutlang ya kiwa chong chnong waroh wow noh ya i jhep ha i thaw wa toh u noh lada ym ye de wow pynlang ha ki yung ki sem.
