Ka Hynniewtrep National Youth Front-Nartiang Circle deilang waka Khasi Student Union-Nartiang Modop Unit da beh ki ya ki baar jylla kiwa wan tyrwa tusok wa kiwa wan thied naar-jæd tin-jæd ki wym biang ki kot ki sla wow leh yei kaam yong ki.
Neiliang u Publicity Secretary ka HNYF, u Deibor Sariang da ong u waka seiñ da leh ko kamni neibhah wa boon ki baar jylla wa wan kamai kiwa tooh spah cha i khlem ki kot ki sla wa biang khatam wa kini ki bru da wan ki wow knieh yei khih ki tre chnong.
Chooh chooh da ong wa man ko i dooh nong leh ya ka JHADC lada ki baar jylla kreh ki khlem ki kot ki sla.
Kamtæ ka seiñ daw leh chooh chooh ko yei kaam yong ka neibynta i miat i bha hapoh ka imlang sahlang, pynkut ka kyrwoh na u Publicity Secretary ka HNYF-NC.
