Ka Hynniewtrep National Youth Front West Jaiñtia Zone (HNYF-WJZ), ynne i step ka 27 tarik da beh ko ya 22 ngut ki baar jylla wa kreh sarok yong ka Dhar Company.
Kini ki dkhar kiwa da sah kamwa chi tayaaw hajan ka wah Myntang, ka seiñ da yoh ujor ko na kiwa chong chnong wa i boon kini ki dkhar pynsyir mynsien ki ya ki paidbah wa lai loom wa kiwa kreh ha wah Myntang.
Kamtæ ka seiñ da hiar pait ko wow sylli ya ki kot ki sla kini ki bru wei hadien wa chem wym em ki ya ki kot ki sla kiwa biang kam ka Labour License wa Trading License, neiliang ka seiñ da phah pynlang ko ya ki tiar ki tar yong ki wow mih noh ki neini i thaw.
I boon ki dkhar wym em kot wym em sla booh ko hei eh i khor ya ka patieñ yong ki Pnar neidaw wa wan knieh ki yei khih i kreh yong i kamjooh leh i doohnong ya ka JHADC, da ong ka seiñ.
Ka seiñ da ong ko leh wa daw pait bniah bha ko ya wan ki baar jylla kiwa wan kreh cheini ki wym em ya ki kot ki sla kiwa biang.
