Jowai: Ynne i janmiet heipor kamwa 5:30 ka seiñ JSM-Eastern Region hapoh i yahkhmat yong u President ka seiñ u Shnalad Rymbai da beh ki ya ki baar jylla kiwa pynman ya ka puja haphrang u mot sahnaam yong u Woh Kiang Nangbah wa em ha Khliehriat, East Jaiñtia Hills.
Neliang u President ka seiñ da ong u wa ini man i i leh khlem akor yong kini ki baar jylla neibhah da wan leh Puja ki ha kani ka thaw.
Ka seiñ da ong ko leh wa ini i beh ya kini ki baar jylla ynne ka janmiet man ko ka dak wow maham ya ki wa ymhoi de wow leh ki ya kam kini ki kaam ha kani ka thaw.
Da ong wa kini ki baar jylla toh kiwa sah ha Khliehriat wa kiwa wan na baar jylla kamjooh.
Discussion about this post