Jowai: Ka KSU Mawprem Circle ynne ka sngi da kynreh Work Permit ko ha chnong Mawbah wei da chem ko tang uwi leh u baar jylla wa wan mylla ha kani ka chnong ym em ki yaka Work Permit.
Kamtæ ka Circle da phah liwan chnong ko ya kiwa em kamwa 100 ngut kiwa ym biang ki kot ki sla.
Neiliang u President ka KSU Mawprem Circle u Arristone Thabah da ong u wa ynne i step da pynman yaka khynra ya ki kot ki sla ki baar jylla kiwa wan mylla haka chnong Mawbah wei man ko kam kawa sdang donhi wei daw pteiñ yaka wei da kyntu u ya waroh ki Contractor hadooh ki tre thaw hanlada man ki paradoh parasnam kiwa kreh hapoh u pood u ang ka Circle wow pynbiang ki ya ki kot ki sla kam ki Work Permit ya ki baar jylla wei lada ym biang ki kot ki sla, ka seiñ daw beh bait ko ya ki kamwa leh ynne ka sngi.
Neiliang won u Sam Shylla uwa man kam u General Secretary ka KSU Mawprem Circle da ong u hapoh ka Mawprem Pylllun toh u pyntip chwa cha u rangbah chnong neibhah man ko pyrchah ya ka aiñ wow wanrah ya ki baar jylla lada ym biang ki kot ki sla.
Discussion about this post