Ynnin ka 14 tarik, ka KSU Nartiang Modop Unit deilang wa kiwa yahkhmat ka chnong da beh ki ya 6 ngut ki baar jylla kiwa mut wow lai cha Mynsngat wow kreh ha kawi ka Petrol Pump wa thymme kawa em ha Mynsngat.
Ka seiñ da ong ko wa sñiawphylla wa kammon kini ki baar jylla da yoh ki wow psiah khlem da em ki kot ki sla kiwa biang ha kam ini i por wa dang em i khangsbak hawa kam ki tre chnong ym yoh ki wow lai cha Jowai/Shillong neibhah daw chah ksoh ha luti katwa kiwa na baar won yoh ki wow lai kat cha wa ngait ki, deiwa kylli wa lada u COVID-19 ym ktah u moh ya kiwa na baar.
Ka seiñ da kyntu ko ya ki Contractor, ki Malik wa kiwa pynkreh ya ki kaam waphær waphær ha kiwa na baar wa ym toh wow pyrkhat ki du neibynta wow myntoi samen ki katwa yap won ki paidbah wa dooh wa duk wa boon wei ye leh wa kiwa wan na baar wow em ya u khñiang khlam wei kiyi wow bahkhlieh. Kamjooh da kyntu leh ya waroh ki Dorbar Chnong wow pait bniah ki khnang wow ye u kdoh u khoom yei psiah kulmar cha kani ka dong ka thaaiñ ha kam ini i por.
Ka seiñ da ong ko leh wa ym chong klitkti wei u pteiñ ko wow pait neini chakhmat wow pyntikna wa ka chnong ka thaw u chongsuk chong chngaaiñ ko.
ka kyrwoh khubor na u Juhhi Tariang, Publicity Secretary Nartiang Circle.
