Ka KSU Wapung Unit ynnin ka 17 tarik heipor kamwa 6:30 i miet da ksoh wei pynyuiñ biang ko ya ki baar jylla kiwa wan na Assam kiwa mut wow lai kreh cha ki Coke Factory kiwa em ha East Jaiñtia Hills District.
Ka seiñ da lyngngoh ko wa kammon ki bru kiwa na baar da yoh ki wow psiah chapoh ka jylla khlem da leh chwa ya ka Test COVID-19 wei ym em ki leh ya ki kot ki sla wa biang wow wan cheini.
Neiliang ka seiñ da beiñ joor ko ya ki bor pulit wa ki wakreh ha ka Umling Entry/Exit Point wym ye ki wow paitbniah yei wan psiah tooh kini ki bru wa na baar.
Ka seiñ da sñiaw diaw ko wa ki bor sorkar pynrkhiñ ki du yei lai i wan ki yong i, katwa ya ki bru wa na baar won da e laad wow psiah katwa ngait ki.
Ka seiñ da ong ko leh u paitsiar ko neini chakhmat yei wan psiah klumar ki bru wa na baar.
