Jowai: Ka KSU War Jaiñtia Circle ynne ka sngi, kam chibynta wow yada yei wan psiah laitlan ki baar jylla chapoh u pood u ang ka War Jaiñtia kiwa ym em biang ya ki kot ki sla kam ka Labour License, Trading License waka Work Permit, da lai khynra ko yaki baar jylla wei da beh leh ya ki ya kiwa ym em biang ki kot ki sla.
Ya kani ka lai sylli da sdang nadooh Amlarem kawa man leh ka Headquarter ka Sub-Division wei da chem ka seiñ wa kiwa boon toh kiwa ym biang ya ki kot ki sla nadooh kiwa chong dukan hadooh kiwa mylla, kamtæ ka seiñ da khang tala ko ko ya kini ki dukan wei da phah ya ki wow liwan ki cha ka chnong yong ki.
Ka seiñ da ong ko wa ini toh du iwa sdang wei daw booddien ya kani ka kaam hadooh wow ye u pynkhooid napoh u pood u ang ka War Jaiñtia wei heijooh i por da maham leh ya ki Contractor wa ym toh u yah ki ya kini ki wakreh na baar jylla wei ka seiñ lada chem ko ya kam ini biang daw hap bahkhlieh ya kiwa yah ki lada jia iwon iwon.
Da kyntu leh ya ki dorbar chnong, kiwa yahkhmat ki chnong wow husiar ki ya ini i kaam.
Waroh da chem kamwa 50 ngut kiwa kreh kaam mistri wa kiwa chong dukan kiwa ym biang ki kot ki sla.
Discussion about this post