Shillong: Ka Khasi Student’s Union Mawkhar Circle, ynnin ka sngi da pynman ko yaka khynra ha Iewduh, Shillong wa i beh ki ya ki baar jylla kiwa chong dai tiar pyrchah yaka aiñ.
Ha ini i khynra ya ki baar jylla kiwa chong dai pyrchah yaka aiñ ha Iewduh wa yahkhmat da u Secretary ka KSU Mawkhar Circle u S Kharchandy da emlang ki dkhot yong ka Circle.
Ini i khynra ka KSU, toh hajrong wa sakhi wa ki baar jylla ym yohlaad chooh ki wow khayi pateiñ ha ki sarok neibhah wa da pyn-eh ka District Council wei kini ki baar jylla da sdang ki wow tynrooh sa chapoh Iewduh wow khayi pateiñ pyrchah yaka aiñ khlem em ya ki License khayi.
Ka KSU da chem ko wa em 12 ngut ki baar jylla kiwa da khayi pateiñ pyrchah yaka aiñ wei da phah pyllang noh ya ki mar ki mata yong ki wei da phah sangeh syndon wow chong dai.
Ini toh katkam ka kyrwoh na u Fedrick Myrthong, u President KSU Mawkhar Circle.
Discussion about this post