Ha ka 15 tarik uni u bnai, ka KSU Jowai Unit hapoh i yahkhmat u President yong ka u Ewanmi Phawa, u General Secretary u Leonard Dhar wa u Publicity Secretary u Nidapoi Shadap deiwa kyrchaan lang ka Jowai Circle wa emlang u General Secretary u Phraki Thubru, u President u Ioanis Suchiang wa ki kattu katni ki dkhot da lai kynreh wei da beh ya ki Nepali wa sah pyrchah ya ka aiñ ha Iawmusiang, Jowai.
Ka seiñ da ong ko wa kini ki bru toh kiwa da sah hapoh Jowai hadooh kamwa 25 snem wei da em leh kiwa sah 14-45 snem khlem da em ki kot ki sla kam ka Labour License wa kiwi kiwi de ki kot wa emkaam wow khih u kreh hapoh ka ri.
Ha kani ka sngi da wan leh ka seiñ yong ki Nepali wa pyrtuid “Mool Pravah Akhil Bharat Nepali Ekta Samaj” kiwa da pyrchang wow tuklar heiwa neiliang ka seiñ ym em ap ko neidaw wa i chong i sah yong ki man chwa ko pyrchah ya ka aiñ.
Da em leh ki seiñ khynroo napoh Jowai wa wan tangwa da smat ki wow ya krehlang wa ka KSU.
U General Secretary ka Jowai Circle da ong u wa ki khynnah skur hawa lai skur ym pu biang du wow sap Uniform tangwa emkaam leh ki kot wow puræ, kamjooh leh kiwa wan kreh leh emkaam ki ya ki kot ki sla wa biang kam ka License.
Kamtæ ka seiñ da beh ko ya kini cha ki chnong yong ki.
Ka kyrwoh na u Nidapoi Shadap, Publicity Secretary KSU Jowai Unit.
