Ynnin i sngi da mih i awri ha khappood ka India wa Bangladesh ha ka jylla West Bengal hadien wa phah pynsangeh ki chipai ka Border Guard Bangladesh (BGB) ya i kreh kær naarchieh ki Border Security Force (BSF) ha khappood.
Katkam ka khubor wa tikna, ini da jia i ha chnong Shukdebpur hapoh Malda District ka West Bengal heipor wa ki chipai BSF dang kær naarchieh ki ya u pood na liang ka India, heitæ da wan ki chipai ka Bangladesh wow pynthut yei kreh.
Mar jia ini i wan pynthut, da mih ki paidbah na ki chnong wa em ha khappood neiliang India wow beh ya kini ki chipai ka BGB.
Da yoo wa ki paidbah da ksoh ki da ki dieñ ha kti deiwa kbai ya ki kyntien yaroh ya ka India deiwa ong “Bharat Mata Ki Jai”, “Vande Matram” wa “Jai Shri Ram”.
Neiliang ki heh ka BSF da ong ki wa da ye wow pynbait ya ini i sñiawthooh bakla deiwa pyntip ya ki chipai ka BGB wa i kær naarchieh toh iwa da pdiang da waroh ar liang ki ri.
Du hadien ini da ye biang u sdang wow pteiñ biang ya i kreh.
Discussion about this post