Beh kreh ka Assam BJP ya u Social Media Co-Convenor uwa booh yei Video wa mang siat Muslim u Himanta

Ka Bharatiya Janata Party (BJP) Assam ynnin ka sngi da beh kreh ko ya u Social Media Co-Convenor, u Ron Vikash Gaurav uwa booh yei Video AI ha ka Social Media ka Assam BJP.

Ini i Video da pynyoo i ya u Chief Minister, u Himanta Biswa Sarma wa mang suloi u ya u bru wa sap tupri wa sariem wa u MP ka Congress, u Gaurav Gogoi.

Ha i Video wa da booh ha ka 7 tarik u February, da thoh ya ki kyntien “Point blank shot” wei da kut i deiwa pynyoo ya u Himanta wa riam u kam u Cowboy heiwa da em leh ki kyntien pyrchah ya ki nong Bangladesh.

U President ka Assam BJP, u Dilip Saikia da ong u wa ini i Video wa booh da u Co-Convenor man i iwa yong khynnah wei khlem yohbor deiwa pynrap wa ka BJP kwah ko wow yaleh pyrchah ya ki Bangladeshi ha Assam, tang wow mang ya ki Muslim da u kuli man iwa pyrchah bha ko.

Related posts

Lai e yarap ka HITO Laskeiñ Block Circle cha ki khynnah kamjooh ki manbei yow pynchlur u lai skur

March 25, 2026

Mih i jooh i Roll Number ar sien ha ka Result ka DSC West Jaiñtia | Suba ka JSU wa em iyi ræ iyi

March 25, 2026

U Himanta da kam u wym tip u iwon iwon heiyatoh wa ini i Video wei ka Party ym em pyrchah ko ya ki Assamese Muslim tangwa du ya ki Bangladeshi Muslim.

Kam wow kdaw heini du neidaw wa leh ini i Video, dapoi ka ujor chadooh ka Supreme Court pyrchah ya u Himanta.