Jowai: Ka seiñ Khasi Jaiñtia National Union (KJNU) Central Body, ha ka khubor wa phah da u Publicity Secretary ka seiñ u Eibhami Suchiang wa ka President ka Women’s Wing ka Balarina Shullai da pyntip ki wa ka seiñ da chim ko ya ka rai wow beh seiñ noh ya u Bishar Samayang uwa man u kam u General Secretary.
Neiliang ka seiñ da ong ki wa da dep pynman ki ya ka yalang ynnin ka 5 tarik wei da rai ki wow beh seiñ ya u Bishar neidaw wa tyngkheiñ u ya ki kyndon krehkaam ka seiñ deiwa khrong poisa tooh u hei pyrtuid ka seiñ na ki bru samen wa na ki yaaw ki hat wei da kam wa da leh u ya ini hei pyrtuid yong u President ka seiñ. U President da ong u wa ka seiñ ym jooh khrong poisa ko na kiwon kiwon.
Ka seiñ da ong ko wa ym emkaam ko ya kam uni u jaitbru uwa kwah u kamai ja kpoh deiwa psiah u cha ka seiñ.
Kamtæ ka seiñ da kyntu ko ya ki paidbah kiwa chaniah ya ka seiñ wa ki ymtoh de ki u chaniah ki ya kiwon kiwon ki bru wa kam wa ki toh ki dkhot ka seiñ kiwa khrong poisa wa kiwi kiwi ki kaam pyrchah paidbah hei yatoh won wa u Bishar lada dang pynemkaam bakla u ya i pyrtuid ka seiñ daw e kti ya oo cha ki bor ka aiñ.
Also Read: Chah beh seiñ u Vice President ka KJNU, Khliehriat Unit
Discussion about this post