Ka Dorbar Chnong Mukhla Nongrim, West Jaiñtia Hills District da beiñ joor ko ya ka KSU Thadlaskein Unit hajrong ka yurim wa ka seiñ pynbaad ko wa ki manyung wa dooh wa duk wa sah khonswet ha Mukhla Nongrim ym jooh yoh myntoi ki na ka chnong wa na ka sorkar.
Ya ini ka KSU Thadlaskein Unit da ong ko heipor wa e yarap da ki marbaam cha ki manyung wa em ha ka chnong Mukhla Nongrim ha ka 6 tarik uni u bnai.
Neiliang ka Dorbar Chnong da ong ko wa ya ini ka KSU da leh ko khlem da yoh bor na ka chnong wei kani ka KSU Thadlaskein Unit ym tip ko leh yei sakhiat chaphang i long i man yong kini ki manyung wa i yoh myntoi ki na ka bor chnong wei da pynbaad kulmar hi-eh khlem yurim.
Kamtæ neiliang ka Dorbar Chnong Mukhla da beiñ joor ko ya kam kini ki jait seiñ khamtam kat ya ka KSU ka seiñ kawa da rim wei kawa em yurim wow chakri ya ki paidbah wa kammon kani ka KSU Thadlaskein Unit da nood ko wow leh embor khlem da yoh bor na ka chnong.
Ini man ko katkam i pynlait khubor u Muhon Sarim Waheh Chnong Mukhla Nongrim, West Jaiñtia Hills District.
Puræ leh: E yarap ka KSU Thadlaskein Unit cha ki manyung wa dooh wa kiwa sah khonswet
