Jowai: ka seiñ Hynniewtrep Student Union lyngba ka kyrwoh na u President u Kyrshan Rymbai ka da pynrem joor ko ya i chah pynyap dusmon ka Rita Nongtdu kawa na Byndihati pyn ha u kurim ko u Dulbi Lama (29) uwa man leh u baar jylla.
U Lama da tynyap u ya ka kurim u deiwa pom ya ka da ka wait wei dep te tyllep u yei metyap.
U Lama da suba toh uwa kreh mooyong wei ka Rita kawa da heh snem ya oo da sah lang ko cha ki thaw wa kreh mooyong u kurim ko. Ki pulit da kem ki ya u Dulbi uwa da phla leh wa leh u ya ini i kaam.
Kamtæ neiliang ka seiñ da beiñ joor ko ya uni u bru wa kwah snam u wym wyrai de yei mynsien bru hadooh pyn yei mynsien ka kurim u leh. Ka seiñ ka kyrpaad ko ya ki bor yong ka aiñ wa ki u pynchitom ya uni u bru deiwa eh wei ym toh u e jamin ko la kammon kammon leh.
Ka seiñ ka pynsñiaw yei ma lada kam kini ki jaitbru yoh ki u lait nei chah kset iwa ktah yei chong chngaiñ khamtam ki kynthai khynnah wa ka imlang sahlang hi waroh kawi.
Ka seiñ da kyntu ko leh ya ki dorbar chnong waroh kiwa em hapoh ka bri u Ynñiawtrep wa ki toh u paitbniah wei wow bichaar bniah wa ym chah wow wan psiah kulmar ki bru kiwa nabaar wow chong chnong hapoh ka chnong ka thaw khamtam ki baar jylla khnang wa kam kini ki jia wa sñiawsih ym jia de ki.
Ka seiñ da phah ko leh ya ka khubor sñiawlem cha kiwa ha yung ha sem yow e mynsien wa kawa da khlaad u chongngiah ko ki kti u Blai wei u Blei hi leh u pyntngen u ya kiwa ha yung ha sem.
Discussion about this post