Beiñ joor ka KSU Laskeiñ Circle ya i chah sliatbor wa i pynyap dusmon ya ka khynnah wa dang 5 snem

Jowai: Ka KSU Laskeiñ Circle da beiñ joor ko ya i chah slaitbor wei ya i chah pynyap dusmon ka khynnah kawa dang san snem iwa jia ha ka chnong Priang kawa jngai kamwa 50 KM na Jowai kawa haap hapoh West Jaiñtia Hills.

Ka seiñ da ong ko wa katkam ki dak ki chin da che wa em ki damok wa rah bor ya kani ka khynnah, wei da slaitbor ki ya ka dep te pynyap ya ka deiwa ksih na rdang wei da noh yei metyap rap hajan i thaw sah ko.

Ka KSU Laskeiñ Circle da sñiawkhia ko chiboon wei da dawa yaka chnat pulit yong ka sorkar wow thooh ya kiwa emkti wei wow pynchitom hadooh wa da biang.

Neiliang ka KSU Laskeiñ Circle da kyrpaad joor ko ya ki paidbah yong kani ka thaaiñ wow ya krehlang wa ki bor pulit wei ka seiñ leh ym e laad ko kat wym pu yoh kem ya kiwa emkti ha kani ka kaam.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024