Beiñ joor ka KSU yei lai pynwit ka VHP yei man yaseiñ ha Laban

Ka Khasi Students’ Union Laban Circle da beiñ joor ko ya ka seiñ Hindu Vishwa Parishad (HVP) kawa da lai paidbah ha ka 2 tarik uni u bnai kawa man leh kam ka sngi u Blai deiwa ya kbai kyriaw leh hakhamat ka yungmane Presbyterian wa em ha Ïewdak Laban.

Hajrong ini, ki dkhot ka KSU da booh ki leh yei thoh ha ka yung krehkkam u Deputy Commissioner yong ka East Khasi Hills heiyatoh wa ini i lai paidbah yong ka seiñ Vishwa Hindu Parishad neibhah ini i lai paidbah man pathan ko kam wow pynchit wei wow pynyoo bor.

U President ka KSU Laban Circle, u Reuben Najiar da ong u wa ka seiñ burom ko ya waroh ki jait niam tangwa heijooh i por kiwi leh toh u burom markylliang ki. Da ong u leh wa iwa pynchrai ya ka seiñ hawa yatoh wa katai ka Rally toh neidaw wa kitai ki dkhot ka VHP hadien wa da poi ki ha Ïewdak Laban hei bynta wa em mar pyrchah wa ka yungmane Presbyterian, kitai ki bru da kbai ki da ki ktien niam Hindu wei ini da man i dak wa mut ki wow pynchit ya ki bru wa man Christan.

Hadien ini da thmu kini ki dkhot ka VHP won wow lai cha St. John Parish wa em ha Laban hi tangwa deiwa wan ki bru paidbah kiwa da yaklam wei pynbor ya ki pulit da ye wow phah dong noh ya kini wow lai ki cheiliang ka Last Stop.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Chooh chooh da ong leh wa ya ka Ram Navami da lehkmen ya ka ha ka 30-03-23 ha kylleiñ ka India ileh won da jied kini wow lehkmen ya kani ha ka 2 tarik kawa man leh kam ka Palm Sunday.

Uni u President ka KSU Laban Circle da beiñ u leh yei leh ki pulit kiwa da emlang ha katai ka thaw ki wym leh iyi iyi wot hawa kitai kiwa ngait Hindu da kbai ki hadooh wa da pynthut yei leh niam yong kiwi.

Kamtæ ka KSU da dawa ko na ki bor pynlai District wow pynchitom ya kitai ki bru kiwa yahkhmat ya katai ka lai paidbah neibhah wa man ko i pynthut, heiwa da khana u leh wa em ki bru wa lai wa wan kiwa da sñiaw yei kbai ya ki kyntien wow pynkylla ya ka Meghalaya cha ka jylla ki Hindu.

U Najiar da phah u leh ya ka kyrwoh kawa che wa lada ki bor wa toh u pait ym leh ki iyi iyi wow kdoh u khoom ya kini, neiliang ka seiñ daw chim noh da ka yong ka hi ka luti.