Jowai: Ka seiñ Meghalaya Indigenous People Front, (MIPF), ha ka kyrwoh wa da phah da u President ka seiñ MIPF Jaiñtia District u T. Rynthathiang, deilang wa ki dkhot, da pynsñiaw ki yei beiñ joor ya ki 7 ngut ki bru kiwa emkti wow slaitbor ya kawi ka khynnah, iwa da jia haka chi tarik uni u bnai. Ka seiñ da ong ko wa kini bru wa leh ya ini i kaam pohjait toh kiwa da wiar i sñiaw para bru kiwa da man kam ki bru khloo kiwa kwah u pynhun du yaki samen donhi.
Neiliang ka seiñ da kyntu ko ya ki bor yong ka aiñ wa ym toh wow e jamin ya kam kini ki jaitbru wei wow pynchitom joor ya ki wei da dawa leh wow kset yaki waroh chi rta.
Heiyatoh wa i kreh chitom yong ki pulit ka West Jaiñtia Hills District, ka seiñ da yaroh ko nadooh u SP u L. Syiem khamtam leh ya u D. Moksha DSP uwa da yahkhmat ya ki pulit wow yoh kem ya kitai ki damok.
Yei lait won uwi wow yut uwa emkti ha kani ka kaam, ka seiñ da kyntu ko ya ki pulit wa ki ym toh u e laad ki wow rieh ki wei da kyntu leh ya ki VDP ki chnong waphær waphær wa ki bru samen wow yarap lang ya ki pulit khnang wow yoh kem ya oo.
Neiliang ka seiñ u e yarap ko yaki pulit ha kam kini ki jait kaam wei wow emkti lang wow yada ya ki khynnah khynthai wow lait na kam kini ki kaam chah thombor, kamjooh leh ka seiñ da maham eh ko ya kiwon kiwon bru wa leh ya kam kini ki jait kaam.
Discussion about this post