Ka Wapungskur Congress Unit da beiñ joor ko ya ki bru jrah snam kiwa tynyap dusmon ya kawi ka khynnah skur kawa na Pamrakmai, East Jaiñtia Hills kawa dang 16 snem i rta kawa dang puræ Class X ha Wapungskur Secondary School.
Neiliang ka Unit da dawa joor ko na i bor yong ka aiñ wow kem wut wut ya ki bru kiwa emkti wow leh ya ini i kaam wymman. Deiwa ong wa lada ki bor yong ka aiñ ym chimkhia lane wow kem ya kiwa emkti, daw pynchlur chooh chooh ya ki bru wa jrah snam wow leh ya kam kini ki kaam wei ye ko wow wanrah leh yei wym chngaaiñ ya ki kynthai khynnah hapoh ka imlang sahlang wa ha ka jylla hi waroh kawi.
Ka Wapungskur Congress Unit da phah ko leh yei sñiawlem cha kiwa ha yung ha sem kiwa maad ya ini i jia wa sñiawsih.
